“O‘zbekko‘mir” aksiyadorlik jamiyatida korrupsiya qarshi targ‘ibot tadbirlarining navbatdagisi bugun, 15-may kuni “Moddiy-texnik ta'minot va ijtimoiy soha” filialida bo‘lib o‘tdi.

Jarayonda O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi farmonining mazmun-mohiyati tushuntirilib, ushbu hujjat asosidagi vazifalar muhokama qilindi.

Ta’kidlanganidek, korrupsiya jamiyatda adolatsizlik, tengsizlik va aholining noroziligiga olib kelib, barcha sohadagi islohotlarning natijasiga salbiy ta’sir etadigan illatdir. Ushbu illatga qarshi kurashish uchun jamoatchilikda korrupsiyaga qarshi murosasizlikni shakllantirish juda muhimdir.

Tadbirda ishtirokchilar mavzu yuzasidan o‘zlarini qiziqtirgan savollarga atroflicha javob oldilar.