Мақсад – ходимларнинг ҳуқуқ ва манфаатларини режали равишда, қонунчилик асосида амалга ошириш
Nashr qilingan sana: 21.01.2022 07:12:04“Ўзбеккўмир” АЖ Бирлашган касаба уюшмаси қўмитаси Раёсати аъзоларининг йиғилиши бўлиб ўтди.
Бирлашган касаба уюшма қўмитаси раиси А.Қаюмов бошқариб борган йиғилишда Бирлашган касаба уюшмаси қўмитасининг 2022 йилга мўлжалланган иш режасини тасдиқлаш ҳамда филиаллар касаба қўмиталарининг 2022 йилга иш режаларини келишиш масалалари кўриб чиқилди.
Кун тартибидаги биринчи масала бўйича “Ўзбеккўмир” АЖ БКУҚ ишлар бошқарувчиси А.Султанов йиғилганларни 2022 йилга тузилган иш режаларининг лойиҳалари билан таништирди.
Таъкидландики, мазкур иш режалари лойиҳаларини тузишда Низомлар, харакат дастурлари, Ўзбекистон Республикаси касаба уюшмалари Федерациясининг ва Ўзбекистон энергетика, нефт-газ ва геология ходимлари касаба уюшмаси Республика Кенгашининг тавсиялари ва талаблари инобатга олинган. Шу билан бирга жамоа шартномасини бажаришдаги билдирилган фикр ва мулоҳазалар ўз аксини топган.
Асосий мақсадимиз – ишчи-ходимларнинг ижтимоий-иқтисодий ҳуқуқ ва манфаатларини режали равишда, қонунчилик асосида амалга оширишдир. Албатта, ҳаёт бир жойда турмайди, ўзгариб боради, шунга яраша керак бўлган вақтда иш режаларига тегишли ўзгартиришлар кириш имкониятига эга бўлишимиз керак, деди жумладан нотиқ. Шу сабабдан, Бирлашган касаба уюшмаси қўмитасининг, филиаллар касаба қўмиталарининг 2022 йилга тузилган иш режалари асос сифатида қабул қилиш ва уларга касаба уюшмалари юқори органларининг тавсияларига биноан йил давомида тегишли бўлган ўзгартиришлар киритиш тавсия қилинди.
Йиғилишда “Ўзбеккўмир” АЖ Бирлашган касаба уюшмаси қўмитасининг бош ҳисобчиси Д.Абдуллаеванинг 2021 йил бўйича бюджет ҳаражатлари, даромадлари ва сарфланган маблағлар тўғрисида, 2022 йил учун тузилган БКУҚнинг бюджети тўғрисида ахборотлари тингланди.
Кўрилган масалалар атрофлича муҳокама этилиб, тегишли қарорлар қабул қилинди.
“Ўзбеккўмир” АЖ Ахборот хизмати
Izohlar
Oxirgi yangiliklar:

Xavotirga o‘rin yo‘q: ko‘mir zaxirasi yetarli
#Rasmiy_munosabat Ijtimoiy tarmoqlarda Denov va Boysun tumanlaridagi ko‘mir omborlarida sun’iy navbatlar yuzaga kelgani haqida videolavhalar tarqaldi. Holat y...
O'qish
Bir yurt, bir niyat: farg‘onaliklar Angren konchilari bilan yelkadosh
“Angren” ko‘mir konida konchilarni qo‘llab-quvvatlash maqsadida tadbir o‘tkazildi. Tadbirda Farg‘ona viloyati hokimi nomidan dasturxon yozilib, mehnatkash k...
O'qish
O‘zbek tili bayrami: amaliyot va ma’naviyat uyg‘unligi
“O‘zbekko‘mir” AJda O‘zbek tili bayrami munosabati bilan amaliy tadbirlar o‘tkazilmoqda. Har yili 21 oktabr sanasi yurtimizda “O‘zbek tili bayrami” sifatida keng nisho...
O'qish
Angren konchilari haqida Rossiya jurnalida maqola chop etildi
Rossiya Federatsiyasining xalqaro “Глобус: геология и бизнес” jurnalida (2025 yil oktabr, №4) jurnalist Diana Andreevaning “Ular qorong‘ulikda ishlaydilar” sarlavhal...
O'qish