“Temir yo‘l transport” filiali: maxsus-taktik o‘quv mashqi
Nashr qilingan sana: 01.05.2025 13:25:29
.jpg)
Joriy yilning 1-may kuni “O‘zbekko‘mir” AJning “Temir yo‘l transport” filialida “Favqulodda vaziyatlar sodir bo‘lganda ob’yekt tuzilmalarining shahar fuqaro muhofazasi xizmatlari bilan hamkorlikdagi harakatlari” mavzusida maxsus-taktik o‘quv mashqi o‘tkazildi.
Mazkur tadbir O‘zbekiston Respublikasi Fuqaro muhofazasi boshlig‘ining va Toshkent viloyati Fuqaro muhofazasi boshlig‘ining buyruqlari ijrosini ta’minlash maqsadida tashkil etildi. Mashg‘ulot to‘rt bosqichda amalga oshirildi.
1-bosqich. Zilzila natijasida “Parodnaya-2” stansiyasi binosida yong‘in chiqqanligi va 1 nafar ishchi xodim jabrlanganligi aniqlandi. Holat bo‘yicha, xizmatlarga aloqa va xabar berish guruhi tomonidan xabar berilib, jabrlanganlarga birinchi tibbiy yordam ko‘rsatildi. 2-Alohida harbiylashtirilgan kon qutqaruv vzvodi qutqaruv ishi amalga oshirib, tez tibbiy xizmati bo‘limi jabrlangan shaxsni olib ketdi. Yuzaga kelgan yong‘inni o‘chirish uchun 53-Kasbiylashtirilgan yong‘in qutqaruv qismi shaxsiy tarkibi jalb etildi, yong‘in o‘chirildi va avariya tiklash guruhi tomonidan tozalash ishlari olib borildi.
2. bosqich. Yuqori kuchlanishdagi kontakt simi uzilgan bo‘lib, 1 nafar ishchi xodim tok urganligi aniqlandi. Holat bo‘yicha, aloqa va xabar berish guruhi tomonidan xabar berilib, jabrlanganlarga birinchi tibbiy yordam ko‘rsatildi. 2-Alohida harbiylashtirilgan kon qutqaruv vzvodi qutqaruv ishi amalga oshirib, tez tibbiy xizmati jabrlangan shaxsni olib ketdi. Avariya tiklash guruhi yuqori kuchlanish tokni o‘chirib, favqulodda vaziyat bartaraf etildi.
3-bosqich. Zilzila paytida asosiy binodan 1 nafar ishchi xodim jabrlanganligi aniqlandi. Aloqa va xabar berish guruhi tomonidan holat bo‘yicha xabar berilib, jabrlanganlarga birinchi tibbiy yordam berish uchun Fuqaro muhofazasi tuzilmasining evakuatsiya guruhi, sanitar drujina, qutqaruv guruhi va avariya tiklash guruhi tomonidan qutqaruv ishi amalga oshirildi. Jabrlanganlarga birinchi tibbiy yordam berildi, ishchi xodimlar va qimmatbaho qog‘ozlar xavfsiz joyga chiqarildi.
Maxsus-taktik o‘quv mashqida 74 nafar ishchi-xodim hamda 7 ta maxsus texnika ishtirok etdi. Tadbir yakunida “Temir yo‘l transport” filiali favqulodda vaziyatlarga tayyorlik bo‘yicha “Cheklangan tayyor” deb baholandi.
Ulug‘bek Ergashev,
“O‘zbekko‘mir” AJ “Temir transporti” filiali filiali fuqaro muhofazasi va favqulodda vaziyatlar muhandisi
Izohlar
Oxirgi yangiliklar:
Ko‘mir sifat ko‘rsatkichlari bo‘yicha haqiqat va manzilsiz tanqidlarga rasmiy munosabat
“XXI asr” gazetasining shu yil 20-noyabrdagi sonida chop etilgan “Gap ko‘p-u, ko‘mir ozmi?!” sarlavhali maqolada aholini ko‘mir bilan ta’minlash masalalari bayon etilgan...
O'qish
Ko‘mir qazib olishda innovasion yondashuvlar muhokama qilindi
“O‘zbekko‘mir” AJ va MTTU MISiS Olmaliq filiali o‘rtasidagi hamkorlik memorandumi doirasida jamiyat mutaxassislari, professor-o‘qituvchilar va talabalar ishtirokida uchra...
O'qish
Aksilkorrupsiya oyligi doirasida tadbirlar amalga oshirilmoqda
“O‘zbekko‘mir” aksiyadorlik jamiyatida mamlakatimizda o‘tkazilayotgan “Korrupsiyaga qarshi kurashish oyligi” doirasida tizimli ishlar va ma’naviy-ma’rifiy tadbirlar...
O'qish
Aholiga arzonlshtirilgan mahalliy ko‘mir yetkazib berish jarayonlarini tashkil etish bo‘yicha bayonot
Kuz-qish mavsumida tabiiy gaz bilan ta’minlanmagan hudud aholisini arzonlashtirilgan mahalliy ko‘mir bilan ta’minlash dolzarb vazifa hisoblanadi. Vazirlar Mahkam...
O'qish