«Oʻzbekkoʻmir» aksiyadorlik jamiyatining «TYT» filialida favqulodda vaziyatlarda harakat qilish tuzilmalari shartli zilzila, yongʻin, koʻchki paytida qutqaruv, birinchi tibbiy yordam koʻrsatish boʻyicha qutqaruvchilar oʻz mahoratlarini namoyish qildilar.

Tadbirda favqulodda vaziyatlar shahar tuzilmalari rahbariyati maxsus shtab markazida birlamchi taqdim etilgan axborot bilan tanishib, taktik mashgʻulotlar oʻtkaziladigan joyga tashrif buyurdilar.

Tabiiy va texnogen xususiyatdagi favqulodda vaziyatlar yuzaga kelganda obyekt rahbariyati va fuqaro muhofazasi tuzilmalarining harakatlari mavzusida maxsus taktik oʻquv mashgʻulotlarida «Oʻzbekkoʻmir» AJ Fuqaro muhofazasi tuzilmalari, 2-AHKQV, Angren shahar favqulodda vaziyatlar boʻlimi, Angren kon boshqarmasi, YoHTTE, Angren shahar markaziy shifoxonasi vakillari ishtirok etdi.