Ўзбекистон энергетика, нефт-газ ва геология ходимлари касаба уюшмаси томонидан "Спорт оиламиз мустаҳкам пойдевори" шиори остида оилавий спорт мусобақаси ўтказилди.

Тармоқ тизимида фаолият кўрсатаётган ёш ходимлар ўртасида соғлом турмуш тарзини тарғиб қилиш, уларни оммавий спорт турларига жалб этиш мақсадида ташкил этилган спорт мусобақасида "Ўзбеккўмир" АЖ "Темир йўл транспорти" филиали бош технологи Бахтиёр Мадалиев турмуш ўртоғи ва фарзанди билан чиройли қатнашиб,  республика финал босқичида "Энг фаол оила" номинацияси ғолиби бўлди.